धुलिखेल, २२ असारः काभ्रेको महाभारत गाउँपालिकामा चालु आर्थिक बर्ष २०७६/७७ को योजनाको काम अन्तिम चरणमा पुगेको छ । १ सय ४० वटा योजना बनाएको पालिकाले ८० प्रतिशत योजना सम्पन्न गरेको छ । यसमा सबै भन्दा धेरै खानेपानी तर्फका योजना छन् ।

कामहरु सम्पन्न हुने प्रक्रियामा रहेकाले ९५ प्रतिशत सम्म काम हुने गाउँपालिका प्रमुख प्रशासकीय अधिकृत अशेक विष्टले जानकारी दिनुभयो । पालिकामा लक्षित वर्गकालागि बनाइएको योजना भनेसम्पन्न हुन सकेका छैन ।

यसैबीच काभ्रेको दुर्गम कोशीपारी क्षेत्रमा पर्ने चौरीदेराली गाउँपालिकाले ६५ प्रतिशत योजना सम्पन्न गरेको छ । चालु आर्थिक बर्षकालागि पालिकाले ३२ करोड रुपैँया विनियोज गरेको थियो । यो बजेटबाट पालिकामा खानेपानीको काम धेरै भएका छन् ।

८० प्रतिशत योजना सक्काउने योजना बनाएको पालिकाले लक्षित वर्गको लागि बनाएको योजना पनि सबै सम्पन्न गरेको पालिकाका अध्यक्ष दिननाथ गौतमले बताउनुभयो ।