धुलिखेल, २२ असार : राष्ट्रिय युबा संघ नेपालका केन्द्रिय सदस्य भेष राज शाही ठकुरीले आफ्नो पुख्र्यौली गाउँमा खानेपानीको पाइप पठाएका छन् । उनको बिषेश पहलमा रोशी गाँउपालिका वडा न ६ नवल गाँउका लागि खानेपानीको पाइप खानेपानी पठाएको मंगल थान नवल नाग पानी उपभोक्ता समिति परिवारले जनाएको छ ।

डेढ इन्च १५ कोयल र एक इन्चको ५ कोयल पाइप गरी २३ सय मिटर पाइप शाहको पहलमा गाउँ आइपुगेको उपभोक्ता समितिले जनाएको छ । २०७२ सालको बिनाशकारी भूकम्पले स्थानीयले बर्षौ देखि खादैँ आएको खानेपानी अवरुद्ध बनाएको थियो । पाइप पुगेपछि पिउने पानी र सिचाईका लागि सजिलो हुने स्थानीय युवा राजकुमार शाहले बताए ।

उनका अनुसार गाउँपुगेको पाइप भिछ्याउने काम समेत सुरु भइसकेको छ । १५ घरधुरी प्रत्यक्ष लाभान्वित हुने राजकुमार शाहले बताए । ‘भेषराज जीले सहजीकरण गरेर गाउँसम्म पाइप पुर्याइदिन निकै ठूलो योगदान गर्नुभएको छ, राजकुमारले भने ‘हामी खुशी छौँ ।’