धुलिखेल, २० असारः काभ्रेमा आज १ सय ८५ जना क्वारेन्टाइनमा रहेका छन् । एक सय ६० जना पुरुष र २५ जना महिला गरी १ सय ८५ जना कवारेन्टाइरमा रहेको जिल्ला कमाण्ड पोष्टले जनाएको छ ।

हालसम्म जिल्लामा २५ सय १ जनाको आरडिटी विधि मार्फत कोरोना भाइरसको परीक्षण गरिएको छ । जिल्लामा भारत बाहेकका तेस्रो मुलुकबाट आउनेको संख्या १ सय ३९ पुगेको छ ।

सबैभन्दा बढी धुलिखेलमा ३० जना रहेका छन् । बनेपा नगरपालिकाका २६ र पनौती नगरपालिकामा २५ जना रहेको कमाण्ड पोष्टले जनाएको छ । त्यस्तै पाँचखालमा १०, तेमाल गाउँपालिकामा ९, रोशीमा ८, मण्डनदेउपुरमा ८, नमोबुद्ध नगरपालिकामा ७, खानीखोलामा ४, महाभारत र बेथानचोक गाउँपालिकामा ३÷३ जना विदेशबाट आइपुगेका छन् ।

त्यसैगरी भुम्लुमा २ जना र चौरीदेउरालीमा ४ जना भारत बाहेका तेस्रो मुलुकबाट भित्रिएका छन् ।