धुलिखेल, १६ असारः सलह किराको प्रवेशसँगै काभ्रेका किसानहरु चिन्तित बनेका छन् । आज मात्रै पाँचखाल नगरपालिकामा ठूलो संख्यामा सलह प्रवेश गरेको छ । नगरपालिकाको वडा नम्बर ४ गडगडेमा विहान ८ बजे २० देखि २५ हजार संख्यामा सलह देखिएको थियो ।
नगरपालिका र लवग्रीन नेपालका कृषि टोली गएर किसानहरुलाई सल्लाह सुझाव दिएका छन् । नगरपालिकाले नआत्तिइ सलह किराको नियन्त्रणमा लाग्न किसानहरुलाई आग्रह गरेको छ ।
जिल्लाको मण्डनदेउपुर र नमोबुद्ध नगरपालिकामा पनि सलह किरा देखिएको छ । जिल्लामा सबैभन्दा पहिले खानीखोला गाउँपालिकामा सलह किरा देखिएको थियो ।
प्रतिक्रिया