धुलिखेल, १६ असारः पछिल्लो समय काभ्रे जिल्लामा क्वारेन्टाइन बस्नेको संख्या ह्वात्तै बृद्धि भएको छ । मंगलबार दुई सय जना पुरुष र ३० जना महिना गरी जम्मा २ सय ३० जना क्वारेन्टाइनमा रहेको जिल्ला कमाण्ड पोष्ट काभ्रेले जनाएको छ ।

जिल्लाको सबैभन्दा धेरै रोशी गाउँपालिकामा १ सय १० बेडको क्वारेन्टाइन रहेको छ । त्यस्तै तेमाल गाउँपालिकामा १ सय ५ वेड, मण्डनदेउपुरमा १ सय वेड, धुलिखेलमा एक सय वेड, पनौतीमा ६० वेड, नमोबुद्धमा ५६ वेड र बनेपामा ५० वेडको क्वारेन्टाइन रहेको छ ।

यस्तै पाँचखाल नगरपालिकामा ४० वेड, महाभारत गाउँपालिकामा ४६ वेड, बेथानचोकमा ३९ वेड, चौरीदेउरालीमा ३० वेड, भुम्लुमा ३० वेड र खानीखोलामा २४ बेड क्वारेन्टाइन रहेको छ ।

काभ्रेमा हालसम्म २४ सय ५० जनाको आरडिटी विधि मार्फत कोरोना भाइरसको परीक्षण गरिएको छ । ११ सय ६९ जनाको स्वाब संकलन गरी पिसिआर विधि मार्फत कोरोना भाइरसको परीक्षण गरिएको छ ।

काभ्रे जिल्लामा हालसम्म ६ जनामा कोरोना संक्रमण भएको छ । ती मध्ये ५ जना उपचारपछि निको भएर घर फर्किएका छन् ।