धुलिखेल, ७ असारः काभ्रेको मण्डनदेउपुर नगरपालिका वडा नं १० मा रहेको उमा सह-शिक्षालय माद्यामिक विद्यालयले विद्यालयमा अध्ययनरत सबै बालबालिकाको कारोना निर्जीव बिमा गरिदिने भएको छ । आज बसेको विद्यालय व्यवस्थापन समितिको बैठकले विद्यार्थी सहित शिक्षक र कर्मचारीको पनि कोरोना बिमा गराउने निर्णय गरेको विद्यालयका प्रद्यानाध्यापक शालिकराम श्रेष्ठले जानकारी दिए ।

कक्षा १ देखी १० सम्मका जम्मा २ सय १७ जना विद्यार्थि, १५ जना शिक्षक र २ जना कर्मचारी गरी जम्मा २ सय ३४ जनाको कोरोना बिमा हुनेछ । न्युनतम ५० हजारको विमा गर्न लागिएको छ । बिमा गरिएका ब्यक्तिले कोरोना संक्रमण पुष्टि हुनेबित्तिकै बिमा गरिएको रकम प्राप्त गर्नेछन् ।