धुलिखेल, ७ असारः काभ्रेमा क्वारेन्टाइन बस्नेको संख्या बढेको छ । आज जिल्लाको विभिन्न क्वारेन्टाइनमा १ सय ४५ जना रहेका छन् । १ सय १९ जना पुरुष र २६ जना महिला क्वारेन्टाइनमा रहेको जिल्ला कमाण्ड पोष्ट काभ्रेले जनाएको छ ।

हालसम्म जिल्लाका ११ सय ८ जनाको पीसीआर विधि मार्फत कोरोना परीक्षण गरिएको छ । त्यस्तै २२ सय ८८ जनाको पीसीआर विधि मार्फत कोरोना परीक्षण गरिएको कमाण्ड पोष्टले जनाएको छ । जिल्लामा क्वारेन्टाइन बेडको संख्या ८ सय ७ रहेको छ ।

जिल्लाको सबैभन्दा धेरै रोशी गाउँपालिकामा १ सय १० बेडको क्वारेन्टाइन रहेको छ । त्यस्तै तेमाल गाउँपालिकामा १ सय ५ वेड, मण्डनदेउपुरमा १ सय वेड, धुलिखेलमा ६५ वेड, पनौतीमा ६० वेड, नमोबुद्धमा ५६ वेड र बनेपामा ५० वेडको क्वारेन्टाइन रहेको छ ।

यस्तै पाँचखाल नगरपालिकामा ४० वेड, महाभारत गाउँपालिकामा ४६ वेड, बेथानचोकमा ३९ वेड, चौरीदेउरालीमा ३० वेड, भुम्लुमा ३० वेड र खानीखोलामा २४ बेड क्वारेन्टाइन रहेको छ ।