धुलिखेल, ७ असारः काभ्रे प्रहरीले पक्राउ परेका ६ जना जुवाडेलाई सार्वजनिक गरेको । प्रहरीले उनीहरुलाई शुक्रबार राती बनेपा नगरपालिका वडा नम्बर ६ पाँचकुमारी पेट्रोल पम्पका सञ्चालक जनक तिमल्सिनाको घरमा जुवातास खेलिरहेको अवस्थामा पक्राउ गरेको थियो । प्रहरीले उनीहरुलाई आज सार्वजनिक गरेको हो ।

पक्राउ पर्नेमा पाँचकुमारी पेट्रोल पम्पका सञ्चालक ३९ बर्षीय जनक तिमल्सीना, २८ वर्षीय बिश्वराज तामाङ, धुलिखेल नगरपालिका वडा नम्बर ४ का ३५ बर्षीय रामेश्वर के.सी, ४० वर्षिय अनिल थापा, ३४ बर्षीय भोला राय र ४२ बर्षीय किरण रन्जितकार रहेका छन् ।

उनीहरुको साथबाट नगद ६ लाख ५४ हजार ५ सय रुपैयाँ, जुवा खालमा रहेको तास ४ बुक र जुवा तास खेल्न प्रयोग भएको तन्दा १ थान बरामद भएको जिल्ला प्रहरी कार्यालय काभ्रेका डिएसपी कुमार विक्रम थापाले जानकारी दिए ।

बुडोल घर भएका तिमल्सिना यसअघि पनि यस्तै काण्डमा पर्दै आएका छन् ।