धुलिखेल ६ असार बौद्ध दर्शन प्रबद्र्धन तथा गुम्बा विकास समितिको कार्यकारी निर्देशकमा होमबहादुर दोङ नियुक्त भएको छ । दोङलाई मन्त्रिपरिषदको बैठकले बुधबार नियुक्त गरेको हो ।
प्रधानमन्त्री केपी शर्मा ओलीले नेपाल सरकार अन्र्तगत विभागीय समितिहरुको खाली रहेको पदपूर्ति गरिदै लैजानुपर्ने उद्घोष गरेसँगै समितिको खाली रहेको पदमा उनलाई नियुक्ति गरेका हुन् ।
दुप्चेश्वर गाउँपालिका–५ नुवाकोट साविक बालकुमारी–२ का होमबहादुर दोङ स्वर्गीय बुबा मानबहादुर तामाङ र आमा धनलक्ष्मी तामाङका सुपुत्र हुन् । उनी एक कानूनी व्यवसायी हुन् ।
नेपाल बास्केटबल संघ २०६५ मा केन्द्रीय सदस्य, २०७० मा सचिव र ०७१र०७२मा महासचिव भएका हुन् । हाल संघको उपाध्यय छन् । यसैगरी २०७६ देखि हालसम्म नेपाल ओलम्पिक कमिटीका सदस्य रहेका छन् । दोङ २०५७ मा नेपाल ल क्याम्पसका स्ववियु सभापति भएका थिए ।
समितिको सदस्य सचिवमा नरेन्द्रकुमार गुरुङले तीन पटक कार्यभार सम्हालेका छन् भने ङिमातेण्डुप शेर्पाले दुई पटक कार्यभार सम्हालेका छन्
प्रतिक्रिया