धुलिखेल, १ असारः काभ्रेको मण्डनदेउपुर नगरपालिकाले टिपर, ट्रक, ट्याक्टर सञ्चालनमा रोक लगाएको छ । नगरपालिकाले आज (सोमबार) देखि टिपर, ट्रक, ट्याक्टर सञ्चालनमा रोक लगाएको हो । आइतबार बसेको कार्यपालिका बैठकले नगपालिकाको विकास योजनामा प्रयोग हुने बाहेक अन्य कुनै पनि कामका लागि टिपर, ट्रक, ट्याक्टर चलाउन नपाउने निर्णय गरेको हो ।

भदौँ ३१ गतेसम्म नगरपालिकाको कुनै पनि कच्ची सडकमा टिपर, ट्रक, ट्याक्टर चलाउन नपाउने निर्णय भएको प्रमुख प्रशासकीय अधिकृत प्रणराज न्यौपानेले बताए । जिरोकिलो सिपाघाट सडकमा भने सञ्चालन हुने पाउनेछन् ।

नगरपालिकाको निर्णय विपरित कच्ची सडकमा टिपर र ट्रकलाई २५ हजार रुपैयाँ जरिवाना र ट्याक्टरको १५ हजार रुपैयाँ जरिवाना तोकेको छ ।