धुलिखेल, ३२ जेठः काभ्रेको मण्डनदेउपुर नगरापालिकामा कोभिड १९ रोकथाम र सुरक्षा सम्बन्धि सचेतनामुलक प्रशिक्षण सुरु भएको छ । आज बाट सुरु भएको प्रशिक्षण तीन दिनसम्म चल्ने छ । प्रशिक्षणको शुभारम्भ गर्दै मण्डन देउपुर नगरपालिकाका प्रमुख टोक बहादुर वाइबाले नआत्तिइ सतर्क भएर सेव गर्न स्वास्थ्यकर्मीहरुलाइ आग्रह गर्नुभयो ।

प्रशिक्षण कार्यक्रममा स्वास्थ्यकर्मीहरुले अपनाउन पर्ने सावधानीको बारेमा जानकारी दिइएको थियो । प्रशिक्षणमा सहभागि स्वास्थ्यकर्मीलाई माक्स, पन्जा, पीपीई सेट लगाउँदा ध्यान दिनुपर्ने कुरा र लगाउने तरिका धुलिखेल अस्पतालका डाक्टर मनोज अधिकारी र सन्जय कुमार शाहले सहजिकरण गरिरहनु भएको छ ।

कार्यक्रममा नगरपालिका भित्रका २० जना भन्दा बढी स्वास्थकर्मीहरु उपस्थित छन् । कार्यक्रम मन्डन्देउपुर र नगरपालिका र इको हिमालकोे साझेदारीमा सञ्चालन गरिएको हो ।