काभ्रेको बनेपा नगरपालिकाले पशु बिमा गर्ने किसानले ७५ प्रतिशत अनुदान पाउने भएका छन् । नगरपालिकाले पशु बिमा गरेका किसान र ब्यवसायिक फार्मसँग आवेदन समेत समेत माग गरेको छ । इच्छुक किसानले असार ५ गतेभित्र निवेदन दिइसक्नु पर्ने नगरपालिकाले जनाएको छ ।

सरकारी निकायबाट विगत २ आर्थिक वर्षसम्म नगद वा वस्तुवगत अनुदान नदिएका किसानले मात्रै पशु बिमामा ७५ प्रतिशत अनुदान पाउने छन् । चालु आर्थिक वर्षको स्वीकृत पशु बिमा कार्यक्रम अन्तर्गत कृषकले तिरेको प्रिमियम रकममा ७५ प्रतिशत अनुदान दिइने प्रमुख प्रशासकीय अधिकृत कविराज उप्रेतीले जानकारी दिए ।

यसैबीच पनौती नगरपालिकाले पनि पशु बिमा गरिसकेका किसानमा अनुदान दिने भएको छ । कृषकले तिरेको प्रिमियम रकममा ५० प्रतिशत अनुदान दिइने नगरपालिकाले जनाएको छ । कृषि तथा पशुपन्छी शाखाका प्रमूख मणिप्रसाद सापकोटाका अनुसार नगरपालिकामा पशु बिमा गर्ने किसानको संख्या ११ हजारभन्दा बढी छ ।