धुलिखेल, ३१ जेठः काभ्रेको विकट डाँडापारी क्षेत्रमा पर्ने महाभारत गाउँपालिकामा आगामी आर्थिक वर्षको नीति, कार्यक्रम तथा बजेट निर्माणका लागि दास्रो चरण पुरा भएको छ । पालिकामा वडा स्तरको योजना छनौट प्रक्रिया सकिएको प्रवक्ता रविन मोक्तानले जानकारी दिनुभयो ।

पहिलो चरणको टोल स्तरी योजाना संकलन सकाएर ति योजनाहरु मध्ये वडा समितिले छनौट गरेर गाउँपालिकामा पठाई सकिएको छ । गाउँकार्यपालिकाको बैठकले जेठ २५ गते भित्र सबै वडाको बस्ती तथा टोलका योजनाहरु संकलन गरेर पठाउने निर्णय अनुसार नै गाँउकार्यपालिकामा पेश भईसकेको प्रवक्ता मोक्तानले बताउनुभयो ।

भौतिक पुर्वाधारका योजना, सडक, बिद्युत्का योजना, खानेपानीका योजना, स्वास्थ्यको क्षेत्रमा गाउँपालिकामा ६ ओटा सामुदायिक स्वास्थ्य ईकाई निमार्ण, स्वास्थ्य ईकाईका लागी भवन र जनशक्ति ब्यबस्थापन, कृषि लगायतका योजना उच्च प्राथमिकतामा राखिने भएको छ ।

साथै चालु आर्थिक वर्षको योजना भुक्तानी असार २० गते भित्र लिइसक्न सबै उपभोक्ता समितिहरुलाई पालिकाले आग्रह गरेको छ ।