धुलिखेल ३० जेठ : नेपाल स्वास्थ्यकर्मी तथा कर्मचारी यूनियनले आफ्नो ११ औं स्थापना दिवसको अवसरमा अस्पताल संचालकहरुलाई चेतवानी दिएको छ । कोरोना भाईरस रोकथाम तथा नियन्त्रणका लागि सरकारले गरेको लकडाउनको उलङ्घन गरी स्वास्थ्यकर्मी तथा कर्मचारीहरुको जीवान यापनप्रति गैरजिम्मेवार बनेको भन्दै नेपाल स्वास्थ्यकर्मी तथा कर्मचारी यूनियनका केन्दीय अध्यक्ष चन्द्र थापाले चेतवानी दिएका हुन् ।

अध्यक्ष थापाद्वारा जारी विज्ञप्तीमा भनिएको छ ‘नीजि क्षेत्रको अस्पताल संचालकहरुको मानोमानीेले मर्यादाको सिमापार गरेको छ, नेपाल सरकारको निर्णय अनुसार पारिश्रमिक र प्रोत्साहन भत्ता सबै स्वास्थ्यकर्मी तथा कर्मचारीलाई अभिलम्ब उपलब्ध गराइयोस ।’

त्यस्तै अध्यक्ष थापाले नीजि अस्पतालहरु देशको ऐन कनुनको पालना नगर्ने गम्भीर स्वास्थ्य संकटको यो अबस्थामा समेत सरकारका निर्णयलाई ठाडो चुनौती दिने र आफैसंग कार्यरत जनशक्तिका सामन्य मानवीय आवश्यकता र भावनाप्रति पनि संवेदनशील नभएको बताएका छन् ।