धुलिखेल, ३० जेठः तेमाल गाउँपालिकाका बृद्धबृद्धालाई छाता र लठ्ठी वितरण गरिएको छ । आज पोखरी नारायणस्थान स्वास्थ्य चौकीमा स्वास्थ्य कार्यालय काभ्रेले छाता, लठ्ठी र रुमाल वितरण गरेको हो । ६५ जना बृद्धबृद्धालाई छाता, लठ्ठी र रुमाल वितरण गरिएको स्वास्थ्य कार्यालय काभ्रे प्रमूख डाक्टर नरेन्द्र कुमार झाले जानकारी दिए ।

सामग्री वितरणका लागि प्रमुख जिल्ला अधिकारी श्रवण कुमार तिमिल्सिना, प्रहरी प्रमुख एसपी रविराज पौडेल, राष्ट्रिय अनुसन्धान डिएसपी सरोज निरौला लगायत तेमाल पुग्नुभएको थियो । भौतिक दूरी कायम गरेर सामग्री वितरण गरिएको प्रमूख डाक्टर झाले बताए ।

जिल्लाबाट पुगेको टोलीले चपाखोरी र पोखरी नारायणस्थानमा रहेको क्वारेन्टाइन समेत अनुगमन गरेको छ । तेमाल गाउँपालिकाले प्रत्येक वडामा १०/१० बेडको क्वारेन्टाइन निर्माण गरेको छ । पालिकामा ९ वटा वडा रहेको छ । पालिका स्थतरिय र वडाका सहित गर्दा तेमाललमा १०५ बेडको क्वारेन्टाइन तयारी अवस्था रहेको पालिका प्रमूख सलाम सिं तामाङले जानकारी दिए ।