धुलिखेल, ३० जेठः तेमाल गाउँपालिकाको वडा नम्बर ६ ले दीर्घरोगीहरुलाई निःशुल्क औषधि वितरण गरेको छ । वडाको चालु आर्थिक वर्ष २०७६/०७७ को जेष्ठ नगारिक स्वास्थ्य परीक्षण तथा आमा सुरक्षा कार्यक्रम अन्तर्गत दीर्घरोगीहरुलाई औषधी वितरण गरेको वडाध्यक्ष विकु तामाङले जानकारी दिए ।

वडा भित्रका १४ जना दिर्घरोगीहरूलाई सुगर, प्रेसर, दम, थाइरईट, मुटु लगायत रोगको औषधि वितरण गरिएको हो । उनीहरुलाई ठूलोपर्सेल पकुवालको महाँकाल आधारभुत विद्यालय र नवनिर्मित वडा कार्यालय भवन भुमेथानबाट १ महिनासम्म पुग्ने गरि औषधि वितरण गरिएको वडाध्यक्ष तामाङले बताए ।

यसैबीच वडाले आगामी आर्थिक वर्ष २०७७÷०७८ का लागि नागरिकसँग योजना माग गरेको छ । असार २ गतेभित्र आफ्नो टोलमा आवश्यक योजना वडा कार्यालयमा दर्ता गराउन आग्रह गरिएको हो । पहिलको जस्तो बस्ति बस्तिमै गएर छलफल, भेला गरेर योजना संकलन गर्ने अवस्था नभएको भन्दै वडाले बस्ति स्तरीय वडा कार्यालयमा दर्ता गराउन आग्रह गरिएको वडाध्यक्ष तामाङले बताए ।