धुलिखेल २८ जेठ तेमाल गाउँपालिका वडा नम्बर २ को नयाँ कार्यालय भवन निर्माण सुरु भएको छ । गाउँपालिकाको २० लाख आर्थिक सहयोगमा वडा भवन निर्माण सुरु गरिएको वडाध्यक्ष तिमाल सिं तामाङले जानकारी दिनुभयो ।

अहिले पिल्लर राख्ने काम धमाधम भइरहेको छ । एक, दुई दिन भित्रै डिपीसीका काम अघि बढ्ने वडाध्यक्ष तामाङले बताउनुभयो । उहाँका अनुसार वडा कार्यालय निर्माणका लागि पालिकाले ४० लाख रुपैयाँ विनियोजन गरेको थियो । तर साविकको वडा नम्बर ९ लप्सेमा चरम खानेपानी अभाव भएका कारण २० लाख रुपैयाँ खानेपानी आयोजना निर्माणका लागि विनियोजन गरिएको छ ।

चालु आर्थिक वर्षमा वडा भवनको पिल्लर उठाउने काम मात्रै सकिने वडाध्यक्ष तामाङले बताउनुभयो । लप्से खानेपानी आयोजना भने अबको केहिदिनभित्रै सकिदैछ । याङमेल खोलाबाट लिप्ट गरिएको पानीबाट करिब १ सय ५० घरधुरी लाभान्वित हुनेछन् ।