काठमाडौं, २८ जेठ आममाफी पाएका तीन सय नेपालीलाई आज कुवेत आफैले नेपाल ल्याई दिने भएको छ ।
कुबेल सरकारले आममाफीमा सहभागी भएका तीन सय नेपाली महिलालाई दुई वटा जहाजमार्फत नेपाल ल्याई दिन लागेको हो । फर्कने तीन सय जनाको सूची कोभिड–१९ क्राइसिस म्यानेजमेण्ट कमिटी सीसीएमसीले तय गरिसकेको छ ।
आममाफीमा सहभागी भएका र घरफिर्ती केन्द्रमा रहेका केही गरी दुई हजार ९९१ जनाको सूची दूतावासले परराष्ट्रलाई बुझाएको र उनीहरुमध्ये तीन सय जनालाई आज दुई वटा उडानमार्फत कुवेत सरकारले नेपालसम्म पुर्याई दिने तय भएको कुवेतका लागि नेपाली राजदूत दुर्गाप्रसाद भण्डारीले जानकारी दिएका छन् ।
प्रतिक्रिया