धुलिखेल २६ जेठ : काभ्रेको मण्डनदेउपुर नगरपालिकाले विद्यालयमा गर्ने सबै छात्राहरुको लागि वातावरमैत्री स्यानेटरी प्याड वितरण गर्ने भएको छ । आगामी आर्थिक बर्षमा वातावरमैत्री स्यानेटरी प्याड खरिदका लागि संघीय सरकारले नगरपालिकालाई १६ लाख रुपैयाँ पठाएको छ । छात्राहरु महिनावारी हुदाँ विद्यालय नै नजाने समस्या रहेको भन्दै पढाइबाट बञ्चित नहुन भन्नका लागि प्याड निःशुल्क वितरण गर्न लागिएको उपप्रमुख निर्मला शाहीले बताउनुभयो । नगरपालिकाले चालु आर्थिक बर्षमा पनि छात्राहरुको लागि २ लाख रुपैयाँको गरेर ६ वटा विद्यालयमा स्यानेटरी प्याड वितरण गरेको थियो । त्यस्तै १२ वटै वडाका गरी जम्मा १९ जना महिलाहरुलाई कपडाको वातावरमैत्री प्याड बनाउने तालिम दिइएको उपप्रमुख शार्माले बताउनुभयो ।