धुलिखेल, २५ जेठः काभ्रेका विभिन्न क्वारेन्टाइनमा आइतबार १ सय १६ जना रहेका छन् । १ सय १ जना पुरुष र १५ जना महिला गरी १ सय १६ जना क्वारेन्टाइनमा बसिरहेका छन् ।

जिल्लाका १३ वटै स्थानीय तहमा गरी आइतबार क्वारेन्टाइन बेड संख्या ६ सय ७४ पुगेको हो । जिल्लामा आईसोलेसन कक्ष भने धुलिखेल अस्पतालमा ८ बेड र बनेपाको शीर मेमोरियल अस्पतालमा ५ बेड गरी जम्मा १३ बेडकोे छ ।

लकडाउन उल्लंघन गर्ने १ सय ६१ ओटा सवारी साधन नियन्त्रणमा लिई कारवाही गरेको जिल्ला प्रहरी कार्यालय काभ्रेले जनाएको छ । लकडाउन उल्लंघन गर्ने १२७ ओटा मोटरसाइकल, १५ ओटा स्कुटर, साना गाडी १५ ओटा, दुई ओटा टिपर, एउटा रिक्सा र निसान गाडी एउटा रहेको छ ।