काठमाण्डौ, २४ जेठ, पूर्व सुचना तथा सञ्चार प्रविधि मन्त्री एवं काभ्रे क्षेत्र नम्बर २ का सांसद गोकुल बास्कोटाले प्रधानमन्त्री केपी ओली र वर्तमान सरकारलाई धन्यवाद दिएका छन् । सामाजिक सञ्जाल फेसबुक मार्फत उनले बजेट, नीति तथा कार्यक्रममा काभ्रेलाई उच्च प्राथमिकता दिएको भन्दै प्रधानमन्त्रीलाई धन्यवाद दिएका हुन् ।

पुर्व मन्त्री बास्कोटाले संघ सरकारले समेट्न नसकेको काभ्रेको कतिपय योजनाहरु प्रदेश सरकारले समेट्ने दाबी समेत गरे । उनले भने ‘आर्थिक सङ्कट र चुनौति झेल्दै सरकारले ल्याएको बजेटले मेरो निर्वाचन क्षेत्र मात्र होईन सिङ्गो काभ्रे जिल्लाकै समग्र विकास प्रकृयालाई अत्यन्त सहि दिशासाथ अगाडी बढाएको छ ।’

पूर्व मन्त्री बाँस्कोटाले सडक, पुल, खानेपानी, कृषि, सिंचाई, शहरी पर्वाधार, सहायक राजमार्गको निर्णय सहितको बजेट ब्यवस्था, पर्यटन पुर्वाधार, ठुला र मझौला विद्यूत योजनाको सम्भाव्यता अध्ययन, करिडोर निर्माण, सुरक्षण छापाखाना निर्माण, मदन भण्डारी र राष्ट्रिय प्रतिरक्षा विश्वविद्यालय स्थापना, दुई राजमार्गको स्तरोन्नती, हवाई मैदान जस्ता अनेकौ योजनाहरुमा करोडौ करोड बजेट विनियोजन गरेको भन्दै खुशी ब्यक्त गरेका छन् ।

पूर्वमन्त्री बास्कोटाले धेरै काम गर्नु पर्ने भएपनि समय भने निकै थोरै रहेको बताएका छन् । उले भनेका छन ‘प्रदेशको बजेट आउनै बाँकी छ । म ढुक्क छु (केन्द्रमा समेट्न नसकिएका योजना बाग्मती प्रदेशले समेटने छ । फेरि चालु योजना पनि जारी नै रहेका छन । सम्बृद्द काभ्रे निर्माणको हाम्रो यात्रा अकन्टक ईन्द्रावती र सुनकोशी झै शान्त तर गतिसाथ अघि बढिरहेछन (अबिरल, अबिरल । धन्यवाद प्रम केपी शर्मा ओली र उनको सरकारलाई डल्लै काभ्रेलीका तर्फबाट ।’