धुलिखेल, २३ जेठः धुलिखेल नगरपालिकाले विद्यार्थीको पहिचान तथा वर्गीकरण सुरु गरेको छ । वैकल्पिक प्रणालीबाट विद्यार्थीहरुको सिकाई सहजीकरण निर्देशिका २०७७ बमोजिम नगरभित्रका विद्यार्थीहरुको वर्गीकरण सुरु गरिएको शिक्षा शाखा प्रमुख उपसचिव माधव प्रसाद शर्माले जानकारी दिए ।
नगरपालिकाले विद्यार्थीहरुलाई टेलिभिजन, एफएम/रेडियो, इन्टरनेट जस्ता सूचना प्रविधिको पहुँचको अवस्था छुट्याइने छ । त्यस्तै कम्युटर भए तर इन्टरनेट जडान नभएका र सबै किसिमको प्रविधिको पहुँचभन्दा बाहिर रहेका विद्यार्थी तथ्याङ्क संकलन गरिनेछ ।
यसैको आधारमा सिकाइका सामाग्रीहरु तयार गरिने नगरपालिकाले जनाएको छ ।
प्रतिक्रिया