काभ्रेको पाँचखाल नगरपालिकाले किसानलाई ठूलो परिमाणमा कृषि सामग्री हस्तान्तण गरेको छ । नगरपालिकाले आज १४ लाख बराबरको कृषि सामग्री हस्तान्तण गरेको कृषि शाखा प्रमूख ईश्वर प्रसाद अधिकारीले जानकारी दिए ।

उनका अनुसार २४ वटा हात्ते ट्याक्टर, ८३ वटा मौरीका घार किसानलाई हस्तान्तण गरिएको छ । त्यस्तै ९९ वटा प्यालिक टनेल, ४० थान इलेक्ट्रिक पावर स्प्रेयर, पानी तान्ने इलेक्ट्रिक पावर ४३ वटा र १० वटा पानी थान्ने जेनेरेटर किसानलाई हस्तान्तरण गरिएको हो ।

चालु आर्थिक वर्षभित्र पाँचखाल नगरपालिकाभित्र ५ सय वटा हात्ते ट्याक्टर भित्रिने कृषि शाखा प्रमुख अधिकारीले बताए । किसानलाई कृषि सामग्री हस्तान्तरण गर्दै नगरप्रमूख महेश खरेलले कृषि क्षेत्रमा पूर्ण आधुनिकीकरण गर्न सकेमात्रै उत्पादन लागत कम गराउन सकिने बताए ।