धुलिखेल, १२ जेठः जिल्ला प्रशासन कार्यालय काभ्रेले स्वास्थ्य तथा जनसंख्या मन्त्रालयलाई पत्र लेखेर गल्ती सच्याउन आग्रह गरेको छ । प्रमुख जिल्ला अधिकारी श्रवण कुमार तिमिल्सिनाले पत्र लेखेर काभ्रे जिल्लामा हालसम्म एक जनामा पनि कोरोना संक्रमण नदेखिएको भन्दै मन्त्रालयको विवरण सच्याउन आग्रह गरेका हुन् ।

मन्त्रालयले जेठ ३ गते सार्वजनिक गरेको विवरणमा काभ्रेमा पनि एक जना संक्रमित भएको उल्लेख गरिएको थियो । तर जिल्ला प्रशासन कार्यालय काभ्रेले भने मन्त्रालयले सार्वजनिक गरेको विवरण अनुसार काभ्रेमा संक्रमित हालसम्म नरहेको प्राष्ट पारेको छ ।

मन्त्रालयले काभ्रेको भनि सार्वजनिक गरेको ब्यक्ति काठमाण्डौ जिल्ला कागेश्वरी मनोहरा नगरपालिकाका रहेको र हाल उनी महोत्तरीमा कार्यरत रहेको जिल्ला प्रशासन कार्यालय काभ्रेले जनाएको छ ।