धुलिखेल, ११ जेठः काभ्रेमा हालसम्म एक जना ब्यक्तिमा पनि कोरोना संक्रमण देखिएको छैन । परीक्षणको दायरा भने निकै फराकिलो बनाइएको दाबी गरिएको छ । दायरा बढाइएको आरडिटीमा पोजेभि रिपोर्ट थाउन थालेपछि क्वारेन्टाइन संख्या नपुग्ने तर्फ सबैको ध्यान जान थालेको छ । हाल जिल्लामा ३ सय ४२ बेडको क्वारेन्टाइनमा तयारी अवस्थामा राखिएको छ । यो संख्या अपुग हुने अनुमान गरिएको छ ।

कोभिड संकट ब्यवस्थापन केन्द्र (सीसीएमसी) काभ्रेले सबै स्थानीय तहरुलाई क्वारेन्टान संख्या बढाउन ताकेता गरेको छ । सीसीएमसीको आज बसेको बैठकले जिल्लाका १३ वाटै स्थानीय तहहरुलाई १÷१ सय बेडको क्वारेन्टाइन जतिसक्दो छिटो बनाउने आग्रह गरेको हो । यसअघिको सीसीएमसी बैठकले जिल्लाको धुलिखेल र बनेपामा जिल्ला स्तरीय ३÷३ सय बेडको क्वारेन्टाइन थप गर्ने निर्णय गरेको थियो । सोहि बैठकले नगरपालिका र गाउँपालिकामा १÷१ सय बेडको क्वारेन्टाइनको संख्या बढाउने पनि निर्णय गरेको थियो ।

हाल जिल्लाको धुलिखेलको सञ्जिवनी माध्यामिक विद्यालयमा ६५ बेड, बनेपा बुडोल स्थित नेपाल रेडक्रस सोसाइटीको तालिम केन्द्रमा ५० बेडको क्वारेन्टाइन छ । त्यस्तै पनौतीमा १०, नमोबुद्धमा १८, पाँचखालमा ११ र मण्डदेउपुरमा १५ बेडको क्वारेन्टाइन तयारी अवस्थामा छन् । त्यस्तै महाभारत गाउँपालिकामा ३५, भुम्लुमा ३०, खानीखोलामा १५, चौरीदेउरालीमा १५, बेथानचोकमा १०, रोशीमा १० र तेमाल गाउँपालिकामा ६ शैयाको क्वारेन्टाइन तयारी अवस्थामा राखिएको छ ।