धुलिखेल, ११ जेठः सिन्धुपाल्चोकको ईन्द्रावती गाउापालिकाले वडा नम्बर ४ नवलपुरलाई सिल गरेको छ । आरडिटी विधि मार्फत कोरोना परीक्षण गर्दा १ जनामा पोजेटिभ देखिएपछि वडा सिल गरिएको पालिका अध्यक्ष बंशलाल तामाङले बताए ।

आइतबार बसेको बैठकले एक साताका वडा सिल गर्ने निर्णय गरिएको प्रमुख प्रशासकीय अधिकृत राजुभाइ श्रेष्ठले जानकारी दिनुभयो । एकसाता भित्र बैंक, वित्तिय संस्था, उद्योग भन्दा, ब्यापार, ब्यवसाय बन्द हुनेछ । त्यस्तै अत्यावश्यक सेवाका सवारी साधन बाहेकका सवारी साधन र ब्यक्तिको आवागमन पूर्णरुपमा निषेध गरिएको छ ।

आरडिटीमा पोजेटिभ देखिएका ब्यक्तिलाई मेलम्चीमा रहेको आइसोलेसन वार्डमा राखिएको छ । उनको पीसीआर विधिमा मार्फत कोरोना भाइरसको परीक्षण गर्ने तयारी भइरहेको छ । शंकास्पद बिरामी भरतपुर क्यान्सर अस्पतालमा आफ्नो आफन्तको उपचारका क्रममा कुरुवा बसेर हालसालै फर्केको बताइएको छ ।