चौतारा १० जेठ : मानवअधिकार अवस्था अनुगमन समिती सिन्धुपाल्चोकले जिल्लामा पीसीआर विधि मार्फत कोरोना भाइरसको परीक्षण बढाउन आग्रह गरेको छ ।

समितीका संयोजक भेषराम ढकालले जारी गरेको अपिलमा सबै स्थानीय तहहरुमा पीसीआर विधि मार्फत परीक्षण बढाउन आग्रह गरिएको हो । जिल्लाको बाह्रविसे नपा ९ राम्चेकी २९ वर्षीया नौं दिनकी सुत्केरी महिलाको कोभिड १९ का कारण ज्यान गएपछि परीक्षणको दायरा बढाउन अपिल गरिएको समितिका सदस्य नातिबाबु धितालले जानकारी दिनुभयो ।

जिल्लाका केहि स्थानहरुमा कोरोना लागेका मान्छेले आवत जावत गर्छन भन्दै सेवामा अवरोध खडा गर्ने साथै औषधी, खाद्यान्न, तरकारी लगायत अति आवश्यकता भित्र पर्ने बस्तुहरु खरिद बिक्रिमा समेत समय सीमा तोकी कानुन बिपरित कार्य गरेको पाइएकोले त्यसोनगर्न समेत अनुरोध गरेको मानवअधिकारकर्मी नातिबावु धितालले बताउनु भयो ।