धुलिखेल, ९ जेठः सिन्धुपाल्चोक जिल्लाको लिसंखु पाखर गाउँपालिकाले किसानलाई कोदो र धानको बीउ वितरण गर्ने भएको छ । पालिकाभित्रका किसानलाई ८५ प्रतिशत अनुदानमा धान र कोदोको आवश्यक पर्ने बिउ वितरण गर्ने बताएको हो । पालिका प्रमुख प्रशासकीय अधिकृत पूर्णप्रसाद दुलालका अनुसार खुमल ४, सुख्खा ३, माछापुच्छ्रे ३, लुम्ले २ र छोमरोङ जातको धान बिउ किसानलाई दिइनेछ ।

त्यस्तै डल्ले १, काभ्रे १, ओख्ले र शैलुङ जातका कोदोको बीउ किसानले पाउने छन् । जम्मा लागतको १५ प्रतिशत रक मभने किसानले ब्यहार्नु पर्नेछ । खाद्य तथा पोषण सुरक्षा सुधार आयोजना अन्तर्गत वितरण हुने धान र कोदोको बिउको लागि सम्बन्धित वडा कार्यालयमा किसानले निवेदन दिनुपर्ने छ ।