धुलिखेल, ७ जेठः काभ्रेको चौरीदेउराली गाउँपालिकाले आफ्ना सबै कार्यालयहरु बन्दको घोषणा गरेको छ । जेठ ११ गतेसम्मका लागि स्वास्थ्य संस्था र भेटेरेनरी बाहेकका गाउँपालिका अन्तर्गतका सबै कार्यालयहरु बन्द गरिएको हो ।
पालिकाले आज अकस्मात सुचना जारी गर्दौ सबै कार्यालयहरु बन्द रहने बताएको हो । कोरोना भाइरस रोकथाम तथा नियन्त्रणका लागि विशेष सतर्कता अपनाउनुपर्ने भएकाले सबै स्वास्थ्य र भेटेरेनरी बाहेकका सेवा बन्द गरिएको पालिकाका प्रमुख प्रशासकीय अधिकृत महान दास लामाद्वारा जारी गरिएको सुचनामा भनिएको छ ।
पालिकाले सबै नागरिकलाई होम क्वारेन्टाइनमा बस्न समेत आग्रह गरेको छ ।
प्रतिक्रिया