धुलिखेल, ६ जेठः सिन्धपाल्चोक जिल्लाको सुनकोशी गाँउपालिकाले कोरोना भाईरस रोकथाम तथा न्यूनीकरणका लागी खटिएका स्वास्थ्यकर्मी तथा कर्मचारीलाई प्रोत्साहन भत्ता उपलब्ध गराउने भएको छ । कार्यपालिकाको बैठकले स्वास्थ्यकर्मी तथा कर्मचारीलाई खाईपाई आएको तलबको ७० प्रतिशत प्रोत्साहन भत्ताको रुपमा उपलब्ध गराउने निर्णय गरेको पालिका अध्यक्ष श्रवण कुमार जिसीले जानकारी दिए ।

स्वास्थ्यकर्मी तथा कर्मचारीको कोरोना भाईरसकै कारण निधन एकमुष्ट पाँच लाख रुपैंया उपलब्ध गराउने निर्णय भएको पालिकाका अध्यक्ष जिसिले बताउनुभयो । उहाँका अनुसार निधन भएका स्वास्थ्यकर्मी तथा कर्मचारीका सन्तानलाई उच्च शिक्षा सम्म निःशुल्क अध्ययनका लागि छात्रबृति उपलब्ध गराईने छ ।

पालिकाले आफ्नो कार्यक्षेत्रमा अझ दत्तचित्त भएर काम गर्न समेत सबै स्वास्थ्यकर्मी तथा कर्मचारीलाई आग्रह गरेको छ ।