धुलिखेल, ४ जेठः काभ्रे प्रहरीले नियन्त्रणमा लिएका ५० जना भारतीय नागरिकलाई सिन्धुपाल्चोक नै फर्काइएको छ । उनीहरू सिन्धुपाल्चोक जिल्लाको चौतारा साँगाचोकगढी नगरपालिका वडा नम्बर १३ मा तामाकोशी जलविद्युत आयोजनाको प्रसारण लाइन निर्माणमा खटिएका मजदुर हुन् ।

काभ्रे प्रहरीले नियन्त्रणमा लिएका ५० जना भारतीय नागरिकलाई सिन्धुपाल्चोक नै फर्काइएको छ । उनीहरु सिन्धुपाल्चोक जिल्लाको चौतारा साँगाचोकगढी नगरपालिका वडा नम्बर १३ मा माथिल्लो तामाकोशी जलविद्युत आयोजनाको प्रसारण लाइन निर्माणमा खटिएका मजदुर हुन् । उनीहरुलाई बा ३ ख २५४६ नम्बरको कन्टेनर भ्यानले धुलिखेल नगरपालिकाको डम्पिङ साइट नजिकै ल्याएर छाडिदिएको थियो ।

कन्टेनरले भारतीय नागरिकलाई छोडेको सुचना पाउन साथ नियन्त्रणमा लिएको र सिन्धुपाल्चोक नै फर्काइएको जिल्ला प्रहरी कार्यालय काभ्रेका डिएसपी कुमार विक्रम थापाले जानकारी दिनुभयो ।

उनीहरु काम गर्न छाडेर भागेको वडा नम्बर १३ का राम प्रसाद गौतम बताउनुभयो । उनीहरुलाई ठेकेदारले लकडाउनका बेला पनि मासिक १५ हजार रुपैयाँ दिएर राखेको वडाध्यक्ष गौतमले बताउनुभयो ।