काठमाडौं २ जेठ : नेपालमा कोरोना भाइरस संक्रमितको संख्या २६७ पुगेको छ । आज ९ जनामा संक्रमित पुष्टि भएसँगै बढेर २६७ पुगेको स्वास्थ्य तथा जनसंख्या मन्त्रालयका सहप्रवक्ता डाक्टर समिरकुमार अधिकारीले बताए।

डाक्टर अधिकारीका अनुसार पर्सा, उदयपुर, दाङ र काठमाडौंमा ९ जना कोरोना संक्रमित थपिएका हुन्। पर्सा वीरगञ्‍जस्थित ९ र १० वर्षीय बालकमा कोरोना पुष्टि भएको छ। त्यसैगरी वीरगञ्‍जकै २३ र ४७ वर्षीया महिलामा पनि कोरोना पुष्टि भएको छ ।

यसैगरी उदयपुर त्रियुगा नगरपालिका निवासी २५ वर्षीय पुरुषमा पनि कोरोना पुष्टि भएको डाक्टर समिरकुमार अधिकारीले बताएका छन्। प्रदेश ५ को दाङस्थित गढवा ९४,५ र तुलसीपुर ९७ निवासी २३, ३६ र ३४ वर्षीय पुरुषमा पनि कोरोना भाइरस पुष्टि भएको छ।

त्यसैगरी संघीय राजधानी काठमाडौंको सतुगंल निवासी ७ वर्षीय बालकमा पनि राष्ट्रिय जनस्वास्थ्य प्रयोगशाला टेकुमा गरिएको परीक्षणबाट कोरोना देखिएको छ।