धुलिखेल, २ जेठ: सरकारले आगामी आर्थिक वर्षमा काभ्रेको उपयुक्त स्थानमा आन्तरिक विमानस्थल बनाउने घोषणा गरेको छ । शुक्रबार संसदमा राष्ट्रपति विद्यादेवी भण्डारीले प्रस्तुत गरेको सरकारको नीति तथा कार्यक्रममा काभ्रेमा विमान स्थल बनाउने योजना समेटिएको छ ।

तर काभ्रेको कुन ठाउँमा एयरपोट बनाउने हो भन्ने चाँहि निक्र्यौल भएको छैन । नीति तथा कार्यक्रममा तेह्रथुमको चुहानडाँडामा पनि एयरपोट बनाउने उल्लेख गरिएको छ । तर काभ्रेको भने कुनै स्थान टुंगो लागेको छैन् ।

यसअघि स्वर्गीय नागरिक उड्यन तथा पर्यटनमन्त्री रविन्द्र अधिकारीको टोलीले बनेपाको नागीडाँडा, धुलिखेलको देविस्थानडाँडा ठूलीचौर र पात्लेखेतको चिसापानी ठूलीचौरको स्थलगत अवलोकन गरेको थियो । यी तीनै ठाउँमा यसअघि पनि पटक पटक विमानस्थलको सम्भाब्यताबारे अध्ययन भने नभएको होइन् ।