धुलिखेल, २ जेठः बनेपा स्थित नेपाल रेडक्रस सोसाइटीको तालिम केन्द्रको क्वारेन्टाइनमा एक जनालाई राखिएको छ । उनको स्वाब परिक्षण भइरहेको छ । त्यस्तै नमोबुद्ध नगरपालिकाको जनक मावि क्वारेन्टाइनमा राखिएका २ जना भने डिस्चार्ज भएकाे जिल्ला स्वास्थ्य कार्यालयका प्रमुख एवं कमाण्ड पोष्टका सदस्य सचिव डाक्टर नरेन्द्रकुमार झाले जानकारी दिए ।
डाक्टर झाका अनुसार उनीहरुको स्वाब परिक्षण गर्दा कोरोना भाइरस संक्रमण नदेखिएपछि डिस्चार्ज गरिएको हो । जिल्ला कमाण्ड पोष्टले धुलिखेल, बनेपा र पनौतीमा रहेको क्वारेन्टाइन बेडहरुको अनुगमन तथा निरीक्षण गरेको छ । जिल्लामा ३ सय ४२ शैयाको क्वारेन्टाइन बेड तयारी छन् ।
प्रतिक्रिया