२०८३, १ मंसिर मंगलबार

काभ्रेमा २६ सय पीसीआर किट, परीक्षण भने ६९ जनाको मात्रै !

काभ्रेमा २६ सय पीसीआर किट, परीक्षण भने ६९ जनाको मात्रै !


धुलिखेल, ३१ बैशाखः गत चैत २९ गते देखि धुलिखेल अस्पतालमा कोरोना भाइरसको परीक्षण थलियो । काभ्रेली मात्रै होइन, खबर सुनेपछि छिमेककी जिल्लाका स्थानीय समेत खुशी भए । परीक्षणका लागि काठमाण्डौ र हेटौडासम्म जानुपर्ने झण्झण्टबाट मुक्त भइयो भनेर ।

धुलिखेल अस्पतालमा कोरोना भाइरसको परीक्षण थालिएको एक महिना पुरा भएको छ । धुलिखेल अस्पतालमा किटको अभाव भयो भनेर प्रमुख जिल्ला अधिकारीको संयोजकत्वमा रहेको जिल्ला कमाण्ड पोष्टले प्रदेश र संघ सरकारलाई अनुनय विनय नै गर्यो । आइतबार २ हजार थान पीसीआर किट पठाइ दियो । तर काभ्रेकै नागरिकको भने नगन्य मात्रमा पीसीआर विधिबाट कोरोना भाइरसको परीक्षण गरिएको छ ।

जिल्ला कमाण्ड पोष्टले दैनिक सार्वजनिक गर्ने वितरण अनुसार हालसम्म काभ्रेका ६९ जनाको मात्रै पीसीआर विधिबाट परीक्षण गरिएको छ । धुलिखेल अस्पतालमा रहेको सुविधायुक्त परीक्षण ल्याबमा कोरोना भाइरसको परिक्षण भने मंगलबारसम्म ९०४ जनाको गरिएको छ । त्यसमा काभ्रेका ६९ जना मात्रै छन् ।

धुलिखेल अस्पतामा परीक्षण हुने अधिकांश स्वाब टेकु अस्पतालबाट आउने गरेको छ । हालसम्म टेकु अस्पतालबाट आएको ८ सय ३५ स्वाब परीक्षण गरिएको छ । भलै हालसम्म धुलिखेल अस्पतालमा परीक्षण गरिएका काभ्रेका ६९ जनाकै रिपोर्ट नेगेटिभ आएको छ । अर्थात उनीहरुमा कोरोना भाइरसको संक्रमण देखिएन ।

कमाण्ड पोष्टको तथ्याङ्क अनुसार काभ्रे जिल्ला भर हालसम्म ५ सय ५४ जनाको आरडिटी विधि मार्फत कोरोना भाइरसको परीक्षण गरिएको छ । सरकारले चैत ११ गतेदेखि लकडाउन गर्यो । पनौती र बेथानचोक क्षेत्रमा लकडाउनका बीच थुप्रै मानिस भारतबाट फर्किए । उनीहरुमा परीक्षण आरडिटीमै सीमित गरियो ।

फागुन महिना देखि यता काभ्रेमा विदेशबाट भित्रिएकाको संख्या ७ सय पनि कटेको छैन । तर उनीहरुको न त स्वाब परिक्षण गरियो, न त क्वारेन्टाइनमै राखियो । जिल्लामा २६ सय किट आइसक्दा पनि किन ६९ जनाको मात्रै स्वाब परिक्षण गरियो ? भन्ने प्रश्नको जवाफ सम्बन्धित पक्षले दिदैँ गर्लान् । यसको अर्थ यो पनि होइन कि काभ्रेमा कोरोना संक्रमित भेटिनु पर्छ । तर परीक्षणको दायरा नै नबढाइ कन ढुक्क भने हुन सक्ने अवस्था छैन ।

जिल्लामा दुई ठूलो राजमार्ग छन् । बीपी राजमार्ग हुदैँ २ नम्बर प्रदेश र भारतका नागरिक समेत कुनै न कुनै किसिमबाट भित्रिरहेका छन् । अरनिको राजमार्ग हुदैँ तोतापानी नाकाबाट चिनियाँ सामान लिएर माल बाहक कन्टेनर भ्यान ओहोर दोहोर गर्न थालेका छन् । तर सुरक्षाको सावधानी भने अपनाएका छैनन् । लकडाउनको सुरुको हप्ता स्थानीय तहहरुले केहि सक्रियता देखाएपनि त्यसपछिका दिनहरुमा भने कोरोना भाइरस रोकथामका लागि महत्वपूर्ण गतिविधिको पाइएको छैन ।

लकडाउनको बीचमा जिल्लाका सरोकारवाला निकायको धुलिखेलमा थुप्रै पटक बैठक बस्यो । तर जिल्लामा पीसीआर विधिबाट कोरोना भाइरसको परीक्षण दायरा बढाउने निर्णय गर्नुको सट्टा टिपर र क्रसर उद्योग चल्न दिने निर्णय गरे । जुन यति बेला आवश्यक थिएन् ।

प्रकाशित मिति : २०७७, ३१ बैशाख बुधबार  ८ : २७ बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा