धुलिखेल, ३० बैशाखः काभ्रेको नमोबुद्ध नगरपालिकाले एकल महिलाहरुका लागि तरकारीको बीउ वितरण गर्न सुरु गरेको छ । एकल महिलाहरुलाई आयआर्जनमा आत्मनिर्भर बनाउने उद्देश्यले निःशुल्क तरकारी बीउ वितरण सुरु गरिएको उपप्रमुख रामदेवी तामाङले जानकारी दिइन् ।
नगरपालिकाभित्र ११ सय भन्दा बढी एकल महिला रहेका छन् । काँक्रो, फर्सी, सिमी, लौका जस्ता बर्खे सिजनमा लगाइने तरकारी बीउ वितरण भइरहेको उपप्रमुख तामाङले बताइन् ।
बीउ वितरण सँगै नगरपालिकाले लगाउने तरिका समेत सिकाउन थालेको छ । सामाजिक दुरी कायम गरेर सुरु गरिएको तालिम भोली सकिने छ ।
प्रतिक्रिया