धुलिखेल, २९ बैशाखः सरकारले काभ्रेको धुलिखेल अस्पतालमा कोरोना भाइरस परीक्षणका लागि थप २ हजार पीसीआर किट उपलब्ध गराएको छ । आइतबार २ हजार थान पीसीआर किट आइपुगेको धुलिखेल अस्पतालका कोरोना परीक्षण ल्याब विभागका सूचना अधिकारी डा. सुमनराज ताम्राकार जानकारी दिए ।

यसअघि ६ सय पीसीआर किट अस्पतालमा आइपुगेको थियो । ६ सय किट उपलब्ध भएकोमा पाँच सय ८५ जनाको परीक्षण भइसक्दा पनि किट प्राप्त नभएपछि अभाव सिर्जना भएको थियो । तर आइतबार २ हजार पीसीआर किट आएको जिल्ला स्वास्थ्य कार्यालय काभ्रेका प्रमुख डा. नरेन्द्र कुमार झाले बताए । पीसीआर किट अभावकै कारण जिल्लामा कोरोनाभाइरसको परीक्षण नरोकिएको डाक्टार झाले बताए ।

पहिलो चरणमा प्राप्त भएको ६ सय मध्ये पाँच सय ८५ जनाको परीक्षण भएकोमा ६९ जना काभ्रेका हुन् भने अन्य पाँच सय २० जना अन्य जिल्लाबाट आएको स्वाबको परीक्षण गरेको हो ।

धुलिखेल अस्पतालमा चैत २३ गतेदेखि कोरोना भाइरसको परीक्षण सुरुभएको थियो । धुलिखेल अस्पतालमा प्रत्येक हप्ताको आइतबार र बुधबार कोरोना भाइरसको परिक्षण हुदैँ आएको छ ।