धुलिखेल, २६ बैशाखः लकडाउनको कारण काभ्रेका स्थानीय तहहरुमा विकास निर्माणका काम रोकिएका छन् । २०७६/७७ को विकास निमार्णका कामहरु रोकिएका हुन् । केही पालिकाले ठुला योजना सम्पन्न गर्नको लागि सुरुवात गरिसके भने केही पालिकाले तयारी गरिरहेका छन् । तेमाल गाउँपालिकाले  भने केहि विकास निमार्णका कामहरु सुचारु गरेको छ ।

५० प्रतिशत कामहरु सक्काइसकेको पालिकाले जनाएको छ । महाभारत गाउँपालिकामा पनि ५० प्रतिशत कामहरु भैसकेको छ । चौरीदेउरालीमा २० प्रतिशत र खानिखोलामा ६० प्रतिशत विकास निमार्णका कामहरु भएको पालिकाले जनाएको छ ।

यस्तै नगरपालिकातर्फ पनौती, मण्डनदेउपुर र पाँचखाल नगरपालिकाले ५०/५० प्रतिशत मात्रै विकास निमार्णका कामहरु सकाएका छन् । यस्तै बनेपा र धुलिखेल नगरपालिकाले ६० प्रतिशत काम सकाएको दाबी गरेका छन् ।

त्यसैगरी रोशी गाउँपालिकामा ९० प्रतिशत र नमोबुद्ध नगरपालिकामा ४० प्रतिशत काम सकिएको छ ।