काठमाडौं २४ बैसाख : सरकारले नेपालमा कोरोना भाइरस संक्रमणको जोखिम नघटेको भन्दै लकडाउनको अवधि थप गर्ने भएको छ ।

कोरोना रोकथाम तथा नियन्त्रण उच्चस्तरीय समन्वय समितिको बैठकले लकडाउनका कारण कोरोना रोकथाममा सहयोग पुगेको निष्कर्षसहित यसलाई जारी राख्ने निर्णय गरेको हो ।

मंगलबार प्रधानमन्त्री निवास वालुवाटारमा प्रधानमन्त्रीकै उपस्थितिमा बसेको बैठकले लकडाउनको समय थप्ने निर्णय गरेको हो । प्रधानमन्त्री केपी शर्मा ओली पनि भारतका कोरोना भाइरस संक्रमण बढिरहेका कारण नेपालमा लकडाउन जारी राख्नु पर्ने निष्कर्षमा पुगेका छन् ।

तर कति दिनलाई थप्ने भन्नेबारेमा आज बस्ने मन्त्रीपरिषद्को बैठकले निर्णय गर्ने प्रधानमन्त्री तथा मन्त्रीपरिषद्को कार्यालयका सचिव नारायणप्रसाद विडारीले जानकारी दिएका छन् ।