काठमाडौं २२ बैशाख डाक्टर बाबुराम भट्टराई विरुद्ध मावअधिकार आयोगमा नेकपा सांसद र पूर्वआइजीपीले उजुरी दिएका छन् । जनता समाजवादी पार्टीका नेता भट्टराईले सांसद अपहरण जस्तो गम्भीर झुटो आरोप लगाएर आफूहरुको मानवअधिकार हनन र मानहानी भएको ठहर गर्दै नेकपाका सांसद र पूर्वआइजीपीले मानवअधिकार आयोगमा उजुरी दिएका हुन् ।

नेकपाका सांसदद्वय महेश बस्नेत र कृष्णकुमार श्रेष्ठका साथै पूर्वआइजीजी सर्वेन्द्र खनाल उजुरी दिन आयोग पुगेका हुन् । उनीहरुलाई जसपाका सांसद सुरेन्द्र यादवलाई अपहरण गरेको आरोप लगाएको छ ।

सांसद यादवले नै सञ्चार माध्यममा अन्तर्वार्ताका क्रममा आफूलाई अपहरण नगरेको बताएका थिए । तर, पछि दिएको अन्तर्वार्तामा उनले नै आफू अपहरणमा परेको बताएका थिए ।