काठमाडौं २१ बैशाख ग्रामिण समाज कल्याण संघ आर्सो नेपाल बनेपाले सिन्धुपाल्चोकको हिमाली क्षेत्रमा पर्ने पाँचपोखरी थाङपाल गाउँपालिकालाई स्वास्थ्य सामाग्री हस्तान्तरण गरेका छन् ।

कोरोना भाईरस रोकथामका लागि आर्सो नेपालले थर्मल घन ८ थान, पिपिई १२ सेट, मास्क ५ हजार थान, स्यानृेटाईजर ३ सय १२ बोटल, लिक्विड साबुन ३० लिटर र क्लोरिन सोलुशन १० जार हस्तान्तरण गरेको गैसस महासंघका केन्द्रीय अध्यक्ष एवं आर्सो नेपालका अध्यक्ष जीतराम लामाले बताए ।

अध्यक्ष लामाका अनुसार गाउँपालिकाका अध्यक्ष टासी लामालाई शनिबार स्वास्थ्य सामाग्री हस्तान्तरण गरेका हुन् । गाउँपालिका अध्यक्ष लामाले महामारीको बेला आर्सो नेपालले गरेको सहयोग अविष्मरणीय रहने बताए ।