धुलिखेल, १८ बैशाखः काभ्रेको भुम्लु गाउँपालिका वडा नम्बर ६ कोलाती भुम्लुमा राहत वितरण गरिएको छ । बिहिबार पालिकाको सहयोगमा ७० जना र जापानमा रहनुभएका हबलचन्द्र लामाले संकलन गरि प्रदेश सांसद लक्षमण लम्साल मार्फत पठाएको आर्थिक सहयोगले ४४ जनालाई राहत वितरण गरेको स्थानीय युवा सुजन पहरीले जानकारी दिए ।

दुई जना परिवार सदस्य रहेकालाई १५ किलो चामल र त्योभन्दा बढी सदस्य रहेका परिवारलाई ३० किलो चामल दिइएको छ । त्यस्तै दुई जना परिवार सदस्य हुनेलाई दाल १ केजी, चिनी १ केजी, नुन प्याकेट, हातधुने साबुन एउटा र चियापत्ती १०० ग्राम दिइएको बताइएको छ । चामल जस्तै दुईभन्दा बढी परिवार संख्या हुनेलाई ठीक त्यसको डबल लिइएको स्थानीय युवा सुजन पहरीले बताए ।

वडाका अति विपन्न र दैनिक ज्याला गरी गुजरा गर्दै आएका परिवारलाई राहत सामग्री वितरण गरेको वडाध्यक्ष भरत बहादुर शिवभक्तीले बताए ।