धुलिखेल, १६ बैशाखः काभ्रेका प्रमुख जिल्ला अधिकारी श्रवण कुमार तिमिल्सिनाले फेरी अर्को आदेश जारी गरेका छन् । बैशाख २५ गतेसम्म लकडाउनको समय थपिएपछि प्रमुख जिल्ला अधिकारीले पुनः अर्को आदेश जारी गर्नुभएको हो । मंगलबार (आज) देखि २५ गते राति १२ बजेसम्मका लागि जारी गरिएको आदेशमा कुनै पनि ब्यक्तिलाई घरबाट बाहिर ननिस्कन भनिएको छ ।

आदेशमा प्रजिअ तिमिल्सिनाले स्वास्थ्य संस्था, औषधि पसल, अस्पतालको सेवा, पेट्रोल पम्प, ग्याँस, खानेपानी, दाल, चामल, तेल, नुन, दूध डेरी र तरकारी बाहेकका अन्य ब्यवसाय पूर्ण रुपमा बन्द गरिनेछ । जिल्लाभित्र मालबाहक सवारी साधन, एम्बुलेन्स र पास लिएका बाहेक अन्य सबै किमिसका सवारी साधनको आवागमन सञ्चालन गर्न पाइने छैन ।

यदि आदेशको पालना नगरे संक्रामक रोग ऐन, २०२० को २ को उपदफा २ बमोजिम कारबाही गर्ने प्रमुख जिल्ला अधिकारी तिमिल्सिनाले बताए । लकडाउन पछि जिल्ला प्रशासन कार्यालयले यसरी पटक पटक आदेश जारी गरे पनि नागरिकहरुले पालना भने गरेका छैनन् ।