धुलिखेल १२ बैशाख : काभ्रेको मण्डनदेउपुर नगरपालिकाले सहरमा अलपत्र परेका आफ्ना नागरिकलाई निःशुल्क गाउँ लैजाने भएको छ । आज कोटेश्वरबाट अहिले केहिबेरपछि काठमाण्डौमा रहेका आफ्ना नागरिकलाई लिएर बस गाउँ जाने प्रवक्ता डिल्ली प्रसाद आचार्यले जानकारी दिए ।

नगरपालिकाले लकडाउनपछि राजधानी काठमाण्डौ लगायतका सहरमा अलपत्र परेका आफ्ना नागरिकलाई गाउँ लैजान लागेको हो । हिजो पनि पालिकाले ८० जना नागरिकलाई गाउँ लगेको थियो । सहरबाट गाउँ फर्किएका ८० जनाको नै जिरोकिलोमा स्वास्थ्य परिक्षण गरिएको प्रवक्ता आचार्यले बताएका छन् ।

यस्तै रोशी गाउँपालिकाले पनि आज कोटेश्वरबाट आफ्ना नागरिकलाई गाउँ लैजाने भएको छ । १३ वटा बस मार्फत नागरिक गाउँ लैजान लागेको पालिकाका उपाध्यक्ष लक्ष्मी बर्तोला जानकारी दिएका छन् ।

रोशी जाने बस साँझ ७ बजे कोटेश्वरबाट छुट्ने छ । रोशी गाउँपालिकाले पनि गाउँ जाने सबै यात्रुको स्वास्थ्य परिक्षण गर्ने बताएको छ ।