धुलिखेल, १० बैशाखः काभ्रेको अति विकट डाँडापारी क्षेत्रमा पर्ने महाभारत गाउँपालिकाले आफ्नो नागरिकको उद्धार गरेको छ । पालिका अध्यक्ष कान्छालाल जिम्बाले काठमाण्डौ र बनेपामा लकडाउन पछि समस्यामा परेका आफ्नो पालिकाको उद्धार गरेका हुन् ।

बुधबार बिहान २ बजे ४ वटा बस मार्फत आफ्ना नागरिकहरुको उद्धार गरिएको पालिका प्रमुख जिम्बाले जानकारी दिए । गाउँ फर्केकाहरुलाई पालिका अध्यक्ष जिम्बाले बाहिर अनावश्यक रुपमा हिड्डुल नगर्न आग्रह गरेका छन् । ‘अहिले जे जति काम भइरहेका छन्, सबै बाध्यताले गर्नुपरिहेको छ, गाउँपुगेर तपाईहरु अनावश्यक तडक भड्क नगरिदिनुहोला ‘जिम्बाले बसमा सवार यात्रुलाई भने ‘यो बेला आफुमात्रै बच्ने होइन अरुलाई पनि बचाउने हो ।’

महाभातर गाउँपालिकाले विभिन्न ठाउँमा ३० बेडको क्वारेन्टाइन निर्माण गरिसकेको छ । कोरोना भाइरसँग मिल्दो जुल्दो लक्षण देखिएको त्यहि क्वारेन्टाइनमा राखिने पालिकाका प्रवक्ता रविन मोक्तानले बताए ।

नागरिकलाई गाउँ पुर्याउन नेकपाका यूवा नेता तथा समाजसेवी सुजन लामा र रुप बहादुर योन्जनले पनि सहयोग गरेका थिए । बसमा चढाउनु पहिले सबै यात्रुको ज्वरो जाँच गरिएको थियो ।