धुलिखेल, ९ बैशाखः काभ्रे पाँचखाल नगरपालिका को ५ नं.वडा मा सोमबार दिउँसो भएको आगलागीमा एक घर जलेर पूर्ण क्षति भएको छ । पाँचखाल नगरपालिका वडा नं. ५ मदनबासका राम बहादुर तामाङ को घरमा आगलागी भएको हो । आगलागीबाट अन्न, लत्ताकपडा, फर्निचर लगाएतका सम्पूर्ण सामान जलेर नष्ट भएको जानकारी स्थानीय जनप्रतिनिधि तोप प्रसाद सापकोटाले दिए ।

मानवीय क्षति नभएपनि करिब तीन लाख बराबरको धनमाल जलेर नष्ट भएको प्रहरीले जनाएको छ । उक्त घरमा तीन जनाको परिवार बस्दै आएका थिए ।

यसैबीच नेपाल रेडक्रस सोसाईटी काभ्रे जिल्ला शाखाले नेपाल उधोग बाणिज्य महासंघ काभ्रेसंग समन्वय गरि पिडीत परिवारलाई राहत उपलब्ध गराएको छ । रेक्रसल घटना स्थलमै पुगि एनएफआरआइ सेट, थप ३ थान कम्मल र १५/२० दिनलाई पुग्नेगरी खाद्यान्न सहितको राहत वितरण गर्न बागमती प्रदेश सांसद लक्ष्मण लम्साल  सहितको रेडक्रस टोली पुगेको  रेडक्रस काभ्रे शाखाका सभापति रघुबर चौ प्रधानले जानकारी दिए ।