२०८३, २ मंसिर बुधबार

‘गाँउमा लकडाउन पालना सन्तोषजनक, खाद्यान्नको चिन्ता’: प्रदेश सांसद लम्साल

‘गाँउमा लकडाउन पालना सन्तोषजनक, खाद्यान्नको चिन्ता’: प्रदेश सांसद लम्साल


धुलिखेल, ८ बैशाखः कोरोना भाइरस नियन्त्रण र रोकथामका लागि सरकारले लकडाउन गरेपछिको अवस्था बुझ्न बागमती प्रदेश सांसद लक्षमण लम्साल आफ्नो निर्वाचन क्षेत्रमा केन्द्रित भएका छन् । कम्तिमा हप्ताको चार दिन आफ्नो निर्वाचन क्षेत्र घुमेर नागरिकको सुःख, दुःख बुझ्न लागिपरेका सांसद लम्साल पछिल्लो पटक भुम्लु गाउँपालिका पुगेका थिए ।

भुम्लु गाउँपालिकाको १० वडा मध्ये सापिङ, भुम्लु, चौबास, बाङथली, सल्ले लगायत ८ वडामा स्थलगत अवलोकन गरेका सांसद लम्सालले कोरोना भाइरस नियन्त्रणका लागि स्थानीय तहले गरिरहेका काम र स्वास्थ्य कर्मीको उत्साह उल्लेखनीय रहेको बताए । ‘दरबन्दी अनुसारको सबै स्वास्थ्य संस्थामा कर्मचारी काम गरिरहेकै हुनुहुन्छ, मैले उहाँहरुको अवस्था पनि नजिकबाट बुझे, केहि ठाउँमा औषधि कमी भएपनि धेरै ठाउँमा औषधि पर्याप्त छ, सांसद लम्सालले भने ‘सबैभन्दा महत्वपूर्ण कुरा स्वास्थ्य कर्मीहरु आत्तिनुभएको छैन, उहाँको आत्मबल देखेर म आफै पनि थप हौसिएको छु ।’

सांसद लम्सालले किसान, दैनिक ज्याला मजदुरी गर्ने नागरिकलाई पनि प्रत्यक्ष भेटेका थिए । ‘लकडाउन गाउँघर तिर पालना भएकै मान्नुपर्छ, किन भने यो नेपालमा पहिलो पटक थियो, किसान र दैनिक ज्याला मजदुरी गर्ने ब्यक्ति र परिवारले गुनासो गर्नुभएको छ, लकडाउन लम्ब्यिो भने खानाको समस्या हुन्छ भनेर, यसका लागि हामीले बेलैमा सोच्नु पर्छ सांसद लम्सालले भने ‘किन कि गाउँमा सबै मानिस वर्षभर आफ्नै उत्पादनमा निर्भर हुनुहुन्न् ।’

सांसद लम्सालको निर्वाचन क्षेत्रमा धुलिखेल नगरपालिकाको वडा नम्बर १ देखि ७ सम्म, पाँचखाल नगरपालिकाको १३ वटै वडा, भुम्लु गाउँपालिकाको १० वटै वडा र मण्डनदेउपुर नगरपालिकाको ७ देखि १२ नम्बर सम्मका वडा गरी जम्मा ३६ वटा वडा पर्छन् । ‘सकेसम्म म मेरो निर्वाचन क्षेत्रका सबै वडामा पुग्ने कोशिस गरिरहेको छु, दैनिक जसो निर्वाचन क्षेत्रका दाजुभाइ दिदीबहिनीहरुको अवस्थाका बारे जानकारी लिइरहेको छु, कतै अभाव भयो भने समन्वय गराउने काममा म कहिले पनि पछि पर्दिन सांसद लम्सालले भने ‘यो बेला आम मानव जातिको स्वास्थ्य महत्वपूर्ण कुरा हो, हामीले कोरोना भाइरससँग लडाइमा विजयी प्राप्त गर्न सक्यौ भने अहिले गुमेका कतिपय चिज पुनः प्राप्त गर्न सक्छौँ, तर भाइरससँग लड्न सकेनौँ भने हाम्रा योजनाहरु अधुरै रहन्छन्, त्यसै आत्तिएर होइन संयम भएर हामीसबै जुटौँ ।’

प्रकाशित मिति : २०७७, ८ बैशाख सोमबार  १ : १९ बजे

प्रधानमन्त्रीको भारत भ्रमणबारे के भन्छन् पूर्वपरराष्ट्रमन्त्रीहरु ? 

राष्ट्रिय स्वार्थलाई केन्द्रमा राखेर भारतसँग आत्मविश्वासका साथ प्रस्तुत हुन पूर्वपरराष्ट्रमन्त्रीहरूको

आईजीपी विवाद : छलफलका लागि दुवै पक्षलाई झिकाउन आदेश 

काठमाडौं । प्रहरी महानिरीक्षकमा पुनर्बहाली गर्नुपर्ने मागसहित निवर्तमान प्रहरी महानिरीक्षक

एमालेप्रति सरकारी निर्मम दमन महङ्गो पर्नेछ : अध्यक्ष ओली 

काठमाडौं । नेकपा (एमाले)अध्यक्ष केपी शर्मा ओलीले सरकार एमालेप्रति निर्मम

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल