धुलिखेल, ६ बैशाखः नमोबुद्ध नगरपालिका वडा नम्बर ११ का वडाध्यक्ष कृष्ण बहादुर तामाङले आफ्नो वडामा राहत वितरण गरेका छन् । वडाभित्र बसोबास गर्ने विपन्न, अतिविपन्न र दैनिक ज्याला मजदुरी गर्नेलाई ३४५ जनालाई राहत वितरण गरिएको हो ।
९० घर परिवारलाई १५ केजी चामल, एक केजी दाल, एक लिटर तेल र एक प्याकेट नुन दिएको वडाध्यक्ष तामाङले जानकारी दिए ।
यसैबीच तरणदल बनेपा नगर समितिका अध्यक्ष सुधिर बैद्यले आफ्नो ब्यक्तिगत खर्चमा पैदलयात्रीलाई खाना खुवाउनु भएको छ । राजधानी छाडेर विभिन्न जिल्ला हिडेको १ सय ५० जनालाई पैदल यात्रीलाई खाना खुवाएको अध्यक्ष बैद्यले जानकारी दिनुभयो ।
प्रतिक्रिया