धुलिखेल, ६ बैशाखः बनेपा नगरपालिकामा बस्दै आएको ३० जना मुस्मिल समुदायमा आरडिटी विधि मार्फत कोरोना भाइरस परीक्षण गरिएको छ । तीन जना महिला सहित २७ जना पुरुषको आज परिक्षण गरिएको हो । परीक्षणमा सबैको रिपोर्ट नेगेटिभ आएको नगरपालिकाका स्वास्थ्य संयोजक सत्यश्वर मकै श्रेष्ठले जानकारी दिए ।

उनीहरु पनि हिजो उदयपुरमा कोरोना पोजेटिभ भेटिएका समूहसँग नेपालमा धार्मिक कार्यक्रममा सहभागि हुन भारतबाट आएका थिए । उनीहरु माघको पहिलो सात तिर नै बनेपा आइपुगेको बताइएको छ । उनीहरु अहिले बनेपा नगरपालिका वडा नम्बर १०, थापागाउँ, होम क्वारेन्टाइनमै रहेका स्वास्थ्य संयोजक श्रेष्ठले बताउनुभयो ।

उनीहरु सुन, चाँदीको गरगहना र घर बनाउने काममा सहभागि हुदैँ आएका थिए । उनीहरुलाई प्रहरीले समेत उच्च निगरानीमा राखेको छ । बनेपा नगरपालिका अन्य थप ४ को पनि आडिटी विधि मार्फत कोरोना भाइरस परीक्षण गरेको छ । उनीहरुको पनि रिपोर्ट नेगेटिभ आएको स्वास्थ्य संयोजक श्रेष्ठले बताउनुभयो ।