धुलिखेल, ३० चैतः धुलिखेल नगरपालिकाका उप विमला शर्माले पालिकाभित्रका सुत्केरी महिलालाई राहत स्वरुप अण्डा र घ्यू सहयोग गरेकी छन् । आफ्नै ब्यक्तिगत खर्चबाट उपप्रमुख शर्माले ४२ दिनभित्रका सुत्केरी महिलालाई अण्डा र घ्यू दिएकी हुन् ।

उपप्रमुख शर्माले नगरभित्रका ३२ जना सुत्केरी महिलाई एक क्रेट अण्डा, एक माना घ्यू उपलब्ध गराएकी हुन् । नगरपालिकाको स्वास्थ्य शाखाले उपलब्ध गराएको तथ्याङ्कको आधारमा ४२ दिनभित्रका सुत्केरी महिलालाई राहत दिएको उपप्रमुख शर्माले बताइन् ।

उपप्रमुखले उपलब्ध गराएको अण्डा र घ्यूसँगै नगरपालिकाले एक जोर कपडा सुत्केरी महिलाहरुका लागि सहयोग गरेको स्वास्थ्य शाखा प्रमुख सन्दिप केसीले बताए ।

धुलिखेल नगरपालिकाभित्र १२ वटा वडा रहेका छन् । ती सबै वडाका ४२ दिन अवधिभित्रका सुत्केरी महिलालाई उपप्रमुख शर्माले एक क्रेट अण्डा, एक माना घ्यू उपलब्ध गराएकी हुन् ।